11-nji iýunda Ýaponiýanyň Türkmenistandaky ilçisi Sasaki Hiroşi Aşgabat şäheriniň 140-njy ýöriteleşdirilen orta mekdebine baryp gördi. Bu barada ilçihananyň metbugat gullugy habar berdi.

Saparyň dowamynda diplomat mekdebe kitap sowgat etdi. Kitaplar Nippon gaznasynyň «READ JAPAN PROJECT» taslamasynyň çäginde berildi.

140-njy orta mekdep Türkmenistanda başlangyç synplardan ýapon dilini öwredýän ýeke-täk mekdepdir. Bu ýerde 2400-den gowrak mekdep okuwçysy okaýar.

Ozal Ýaponiýanyň ilçihanasy tarapyndan Aşgabatdaky ýokary okuw mekdeplere kitaplaryň sowgat berilendigi barada habar beripdik.